COMUNICADO DE CONDOLENCIA E SOLIDARIEDADE DA COGAVE
A Confederación Galega de Asociacións Veciñais «Rosalía de Castro» (COGAVE) quere expresar a súa profunda consternación ante o gravísimo accidente ferroviario ocorrido hoxe na provincia de Toledo.
En nome do movemento veciñal galego, trasladamos o noso máis sentido pésame ás familias e persoas achegadas das vítimas mortais, compartindo a súa dor nestes momentos de inmensa tristeza.
Así mesmo, expresamos todo o noso agarimo, apoio e solidariedade ás persoas feridas, ás que desexamos unha pronta recuperación, e a todas aquelas persoas afectadas por esta tráxica situación.
Queremos tamén recoñecer e agradecer o traballo dos servizos de emerxencias, dos profesionais sanitarios e de todas as persoas que están a intervir no operativo de rescate e atención ás vítimas.
Ante unha traxedia destas dimensións, facemos chegar ás familias e ás persoas afectadas a nosa proximidade e o noso respecto, coa esperanza de que poidan atopar forza e acompañamento nestas horas tan difíciles.
A COGAVE únese á dor de todas as persoas afectadas e expresa o seu máis profundo pesar.
A Directiva da COGAVE
Confederación Galega de Asociacións Veciñais
«Rosalía de Castro»
