Homenaxe a Dª Carmen Avendaño Otero
Pioneira na loita contra a droga, exemplo de valentía e compromiso social
O vindeiro 4 de outubro, ás 12:30 horas, o Centro Social de Salcedo (Casa Verde), en Pontevedra, acollerá un acto moi especial: a homenaxe de recoñecemento a Dª Carmen Avendaño Otero, muller loitadora, pioneira e referente indiscutible na loita contra a lacra da droga, que marcou a vida de milleiros de familias galegas.
Carmen Avendaño representa a voz das nais e dos veciños que, con coraxe e dignidade, fixeron fronte á dor e á inxustiza, converténdose nun símbolo da esperanza e da xustiza social. O seu legado é un camiño aberto ás novas xeracións, un recordatorio de que a unión, a tenacidade e a solidariedade poden cambiar a historia.
Neste acto tan sinalado, contaremos coa presenza da propia Carmen Avendaño, quen recibirá en vida o agarimo e recoñecemento de toda a sociedade galega polo seu incansable compromiso.
O evento, organizado pola COGAVE coa colaboración da Xunta de Galicia, contará coa asistencia de destacadas autoridades e representantes institucionais:
- Subdirectora Xeral de Divulgación da Memoria do Goberno de España
- Delegado do Goberno
- Delegado Territorial da Xunta de Galicia en Pontevedra
- Director Xeral de Inclusión Social da Xunta de Galicia
- Directora Territorial da Consellería de Política Social e Igualdade da Xunta de Galicia en Vigo
- Alcalde de Pontevedra
- Presidente da Deputación de Pontevedra
- Representantes dos grupos políticos da Corporación Municipal de Pontevedra
- Presidente da CEAV (Confederación Española de Asociaciones Vecinales)
- Presidente da Federación Regional de Asociaciones Vecinales de Madrid (F.R.A.V.M.)
- Presidente, Vicesecretaria e 2 Presidentes Autonómicos do Consello Confederal de CEAV
- Consello da COGAVE
- Representantes da Federación de Asociacións de Veciños Castelao de Pontevedra
- Xunta directiva da Fundación Erguete-Integración
Este merecido recoñecemento supón un xesto de gratitude colectiva a unha muller que fixo historia en Galicia e en España, e que segue a ser un exemplo vivo de loita, coraxe e compromiso social.
O enfrentarse á droga foi apostar pola esperanza, pola xustiza social e pola liberdade da xuventude.
